Әйелдерге арналған Ашық есік күні өтеді
«Қызғылт қазан» ақпараттық-ағартушылық науқаны аясында 2025 жылғы 18 қазанда Қазақстанның барлық онкологиялық ұйымдарында әйелдерге арналған Ашық есік күні өтеді.
Акцияның мақсаты — халықтың сүт безі обыры, оның белгілері, қауіп факторлары және ерте анықтаудың маңыздылығы туралы хабардарлығын арттыру.
Осы күні әрбір әйел тегін және жолдамасыз түрде:
— онкологтар мен маммологтардың кеңесін ала алады;
— профилактика мен ерте диагностикалау бойынша ұсынымдар алады;
— қажет болған жағдайда тексеруден өте алады.
Әйелдердің жасы мен тіркелуінің маңызы жоқ. Өзіңізбен бірге жеке куәлігіңіз болуы қажет.
Өткізу күні: 2025 жылғы 18 қазан
Уақыты: 09:00–13:00
Ерте диагностика — өмірді сақтайды. Өзіңізге қамқор болуға мүмкіндік беріңіз.